Udassi kam nahe hoti ..

March 21, 2007 at 10:57 pm (Life, Me@myself)

Udassi teergi hoti tu shayad
aik deeya aabaad kernay say he chatt jati
magar aisa nahee hay ..

.
udassi rasta hoti
tu is ko apnay pairoo say gina kertay
kahain tu ja kai ginti khatam hojati
magar aisa nahe hay

.
udasi paair(darakht) hoti tu
hum iskai saray bazoo kat kai mazoor ker daitay
zameen say is ka saya duur kar daitay
magar aisa nahe hay

.
udasi saal he hoti
tu hum khod ko yai sumjhaty
kai daikho 365 dino kee baat hay sari
udasi phir nahe hogi
magar aisa nahe hay

.
udasi daeaira hoti
tu hum is say kissi tasbhee kai khat kee terhan baher nikal jatay
koi tu aisa lumha mil he jata
hum sumbhal jatay
magar aisa nahe hay

.
udasi tu udasi kai siwa kuch bhe nahe hay
yahan jitnii bhee barish ho
yai mattii numm nahe hoti
udassi …. kam nahee hoti …..

Udasii Kam nahii hoti!!!!

Advertisements
%d bloggers like this: